Gschicht im Buuwägeli
Klein aber Fein isch z`chlinschte Theater für Chind und für Alli wo ihres innere Chind liebe.
We mir dr Intuition folgä, dörfä so Sachä entstah. Ds iintä het sich mit em andere ergäh, us däm usä si witeri Teili derzuä cho, bis es zu däm " Gschichtli im Buuwagä" isch cho........... u no lang ned fertig isch.
Äs isch ä Härzensaglägähiit u diä Erzählig isch amene härzensguete Mensch mit Eggä u Kantä gwidmet.
Usschnitt user Gschicht : ......." ....ja ig ha das og, äs isch so vertruut, äs chunt mer so vor, als weri grad dahimä..........."
........"wiisch no, womer dä schreg Vogel hii atroffä, läck isch de dä locker gsi......"
Gschicht, Erzählig oder isches eher ä Impuls für z`Läbä?
Ig wiises ned.............därum machet euch sälber äs Bild.
Äs isch für Chind ab 4 jährig u giit 20 Minutä.
Im Buuwagä hii 4 Chind Platz oder 2 Erwachseni oder 2 Chind 1 Erwachsnigs..... Spiles aber og für 1 ab.
D` Filzfigurä Kohlmeise, Spatz, Papagei u Trudi wärdä üs uf nä Erläbnis/Erinnerigsreis mitnäh , wo üser Sinnä uf nä gueti, positivi Art erweckä u z`ganzä isch begleitet vo Musig, Kläng u Grüsch.
Erzähler: Marco Hadorn
Stimm Kohlmeise: Kim Rüsch
Stimm Spatz: Andrea Rüsch
Gschribä: Andrea Rüsch
Ufgno u zämägschnittä: Soundlevel, Marco Hadorn
ÖFFNIGSTAGÄ : Samstag 8.Juni, Sonntag 16.Juni, Sonntag 23.Juni, Sonntag 30.Juni, Samstag 6.Juli, Sonntag 7.Juli, Samstag 13.Juli, Mittwoch 31.Juli, Freitag 2.August, Samstag 3.August, Mittwoch 4. September Nachmittag, Samstag 7. September, Sonntag 8. September, Mittwoch 11. September Nachmittag, Samstag 14. September, Sonntag 15. September, Mittwoch 9. September, Donnerstag 10. September.
Mit disnä Datä chamä sech immer zur vollä Stund amäldä.....als Familie/n, Chind, Einzeln, Paar....etc. unter 079/207 64 08 oder [email protected]
Zytä : 10.ooh, 11.ooh, 12.ooh, 13.ooh, 14.ooh, 15.ooh, 16.ooh,17.ooh, 18.ooh
wet gärn amene andere Tag wosch cho........iifach afragä.
Choschtä: Fr. 7.00 pro chlini u grossi Nasä oder sovil du chasch und wosch.
Areisä: Bitte z`Fuess oder mitem Velo ( Parkplatzmöglichkeiten: Schützenhaus Reinisch, Markt/Flugplatz/ Bahnhof Frutigen) Parkplatzmüglichkiitä si beschränkt, bi üs.......Bitte Afragä wenn erwünscht.
Gschicht mit wanderig/spaziergang u Wettbewärb
Wähl dini Route: 1. Gschicht losä, zur Hängebrügg luufä u dert dr Brief für ä Wettbewerb is Vogelhüsi tuä. (Wanderzyt härä u zrugg ca. 2Std.)
2. Gschicht losä, zur Tellenburg Frutigen luufä, zrugg cho u dr Wettbewerb usfüllä. ( Wanderzyt ca 45mim. )
3. Gschicht losä, Gand Naturwäg luufä, zrugg cho u dr Wettbewerb usfüllä. ( ca. 1Std. )
4. Oder ifach verbi cho u Gschicht losä.
Bim Wettbewärb giits rund ums Thema Vögel, Kohlmeisä & Spatz und am Gwinner wird im Winter äs Überraschigspäckli zuägschickt.
ORT: HAUS TERMINUS REINSICH
BÜELAWEG 4
3714 FRUTIGEN
079/ 207 64 08
[email protected]
Wetsch di Chinder Geburtstag hiä mit dinä Fründä fiirä?
Gschicht losä u luägä, zämä si, Natur spaziergang machä, redä u äs feins z`Vieri gniässä............de mäld di bi mir.
Blumenmarkt Bauwagen 2013
